theme-sticky-logo-alt
theme-logo-alt
Advertisement ad1
Advertisement ad1

Kiwa pyrchah ya ka CAA toh ki wym sñiawthooh ka, ong u Montri ka sorkar pyrdi

Advertisement ad1

U Montri Khynnah ka sorkar pyrdi namo u Minister of State ka chnat Home Affairs ka sorkar pyrdi, u Ajay Kumar Mishra heiyatoh wa sdang biang i yakhih yow pynlait na ka aiñ Citizenship Amendment Act (CAA), da ong u wa kiwa pyrchah toh ki wym sñiawthooh chapang ka CAA.

Da ong u wa daw pynsñiawthooh ya ka NESO wa ym em chna kawon kawon ka aiñ wa thymme wei da pynkylla donhi ya ka wei ka wym krehkaam ya kiwa chong chnong ka ri.

Advertisement ad1

I pynkylla wa da leh toh neibynta ki khian paaid kiwa na Pakistan, Bangladesh wa Afghanistan wei lada kini ki bru poi ki cha India chwa u Kmaichonglad (Dec) 2014 daw e ya ki yei hok man kam kiwa chong chnong wa pura ka ri wei kiwi kiwa da man chwa kam ki tre ri ym dooh ki yei hok man tre ri.

Da ong u leh wa lada em kiwa chong chnong ka ri kiwa sahkut cha kiwi ki ri wei emkaam yarap ki, toh u burom yeitæ.

Heiyatoh wei dawa wow pynlait ya waroh kawi ka thaaiñ Northeast na ka aiñ CAA, u Mishra da kyntait u yeini deiwa ong wa em kiwa sñiawthooh dei yong ki hi neibhah kani ka aiñ ym toh ya kiwa chong chnong ka ri wei ym ktah ko ya ki, iwa pynkylla toh ya kitu ki khian paaid wa em ha ki le tylli ki ri kiwa da psiah chapoh India chwa u Kmaichonglad (Dec) 2014 yow e ya ki yei hok kam kiwa chong chnong wa pura ka ri.

Share this:
Previous

Thap pyrtuid u Bhaichung Bhutia yow yaleh President ka AIFF

Next

Khlaad syndet u Kaimon Passah