Kiwa thaad ya kiwa em HIV ye ki wow chah kset deilang ka kuna wa Rs.1 lak

Ha ka 12 tarik uni u bnai, ka One Stop Centre yong ka Plan International (India Chapter) da pynman ko yei pynsñiawthooh wei e hikai ya kiwa yah Truck chaphang i rukom poor u khñiang kjut HIV hapoh ka East Jaiñtia Hills District hei pait u Dauni W Sutnga uwa man kam u Manager.

Ya kani ka pynsñiawthooh paidbah da leh deiwa ya krehlang chirup wa ka Meghalaya Commercial Truck Owner and Driver’s Association (MCTODA) kawa da pynman ha Nongsning chirup deiwa emlang kiwa kreh yong ka Meghalaya AIDS Control Society (MACS), u Sandy Tariang uwa man leh kam u kongsan uwa e yei batai chaphang i ktah u HIV wei kammon wow yada na u HIV.

Da klam u leh chaphang ka aiñ HIV Prevention & Control Act, 2017 kawa man leh ka aiñ wow yada yei hok yong ki bru wa im wa u khñiang HIV.  

Kani ka aiñ yada ko leh nei chah lehbeiñ yoobeiñ ha ki thaw kreh, ki thaw puræ wa kiwi de ki thaw hadooh ki thaw sumaar.

Yada ko leh nei khana wei thaad yei pyrtuid ki bru wa em HIV. E ko leh yei hok wow yoh yarap wei yoh sumaar wa kynthup ya ka Test wa ki dawai ART wei i leh ya ka Test ymtoh deiwa hap pynbor.

Related posts

Phah u DC ka West Jaiñtia wow taan ya ki kari wa pynyieñ khlem yoh bor ha rood ki NH wei wow tympra ya ki thaw baam wa kyntoor cha sarok

August 8, 2026

Da khut ya ki khon ka Raliang Constituency wow chimbynta ha ka yaphet Marathon ha ka sngi Independence Day

August 8, 2026

Da batai u leh wa kiwon kiwon kiwa dai sarom, kiwa thaad, kiwa yoobeiñ ya kiwa em HIV ye ki wow chah pynchitom deiwa chah kset deilang wa ka kuna wa Rs. 1 lak.

Ha kani ka sngi da emlang wa u Dr. J. Nongtdu uwa e yei batai chaphang i drugs wa ki laad wow pynduna yei pynemkaam bakla ya u thyrnia Inject wa kiwi tawon ki laad yada.