Heiyatoh wow pynkhreh yei wan ka æryong, neiliang ka sorkar da pynbna paidbah ko ya kiwa toh u leh wa kiwa ym yoh u leh kiwa man kamni ha wah:
Kiwa toh u leh chwa ka aiom æryong:
- Pait bha ya i yung, pyndait bha yaka tin ki Tiles kiwa da kyllooid kamjooh wow pynchna pynskem yaki dwar waki khian dwar.
- Ah noh yaki chnat dieñ kiwa da yap lane ki dieñ kiwa da yap kiwa em hajan yung; kdoh skem ya ki mar kiwa ye u chah rah kam ki lyngkhot dieñ, ki tin sap yung, ki moo-it, ki synduk pyllang jhep, ki Signboard wa kiwi kiwa ye u hær hawa joor lær.
- Booh chwa yaka latang dieñ khnang wow ye u kyrchaan ya ki khian dwar lada emkaam.
- Booh lupa ya ka laten charak, ki torchlight wa da pyndait battery wa ki duli khian kiwa rkhiang
- Tympra noh ya iwa da dep chna kiwa da sih da pyut.
- Booh lupa ya ki battery neibynta ka transistor
- Booh lupa ya ki baam kiwa da tyrkhaw ki wym pyut ki wow pynemkaam du ha ki por wa emkaam.
Hawa sdang khai ka æryong:
- Ap yei pynbna lyngba ka radio (ka All India Radio jooh pynbna ko yei long i man i suiñbneiñ)
- Ap dei langær ya kiwon kiwon ki khubor wa maham. Ini daw yarap ko ya phi wow pynkhreh lada wan ka æryong
- Pyntip lang ya kiwi leh
- Ym toh wow ap yaki khubor hamsaya wei ym toh wow pynpoor yaki; ini daw yarap yow lait nei pynkulmar ki paidbah
- Ngait du yaki khubor yong ka sorkar
- Hawa em ka khubor khai æryong haki thaw wa em phi, leh yaki kaam yong phi lada ym em maham na ka radio wow khang
- Man kiwa husiar bha ha ki 24 kynta neibhah i maham khai æryong mut wa i maa toh hapoh 24 kynta
Ki laad yada
- Kyrchaan yaki khangit lane pyndait yaki khnang wow yada naka æryong
- Kyrchaan bha ya ki dwar kiwa mih cha lait
- Lada ym em ki latang, pyndait da ki kot sada ha ki yit yow lait na ki yit wa piah. Tangwa ini ym ye ki wow khanglaad ya i piah yong ki yit
- Booh boon ki baam kiwa ye u baam khlem chet. Booh tam ya ka umdih ha ki kchu um kiwa da tymmoh bha
- Pyntikna wa ki laten charak, ki Torchlight wa kiwi kiwa ye u chba man ki kiwa krehkaam wei wow booh hajan yong phi
- Toh u kset bha ya ki tiar kiwa khian kiwa stiñ kiwa ye wow hær hawa joor ka lær
- Pait wa ki khangit wa kiwi toh kiwa ye u wai neiliang kawa pyrchah ya i liang wa wan ka lær
- Pynbiang ya ki baam neibynta ki khynnah wa kiwa da heh kiwa emkaam yei baam wa kyrpang
- Lada sangeh i beh ka lær wa u slap la kammon kammon chiteiñ kynta. Ha ini i por, ym toh wow mih na yung, neibhah hadien ini, ka lær kawa beh daw wan won ko na chilliang won
- Tympleh ya waroh ki Switch Electric ha yung
- Man kiwa jai jai
Hawa em i phah wow yut thaw
- Pynbiang ya iwa emkaam neibynta yong samen wa kiwa hayung wow dap kattu katni sngi. Kini kynthup i ya ki dawai, ki baam wa kyrpang ya ki khonboo wa ki khynnah khian lane kiwa da heh rta
- Lai cha ki thaw rieh wa biang lane ki thaw rieh wa da pynbiang ha chnong
- Chong bait ha ki thaw rieh hadooh wa pyntip wa da hoi u liwan
Ki laad wow chim hadien ka æryong
- Hap u lai phah phah injek næ dih dawai wow khanglaad na ki khñiang kjut
- Yait na ki sainar kiwa haap næ kiwa noh na ki chrot pynlai bordiñ
- Lada hap wow yah kari, yah deiwa biang
- Pynkhooid ya ki tngit ki jhep na ki soodong yong phi
- E ka yutip kawa biang ya i doohnong yong phi cha ki bor wa toh u pait
Discussion about this post