Shillong: U Montri Rangbah ka jylla, u Conrad K Sangma da pyntip u wa i jrong ki khappood ka Meghalaya wa Assam em ko hadooh 884.24 Km, wei em hadooh 12 tylli ki thaw wa ya kajia hadooh kattæ ha tymbud ki khappood.
Ya ini u Montri Rangbah da pyntip u hawa jubab ya iwa kylli wa da wanrah da u MLA ka Mawphlang, u Syntar Klas Sunn, hawa juba chooh chooh u Montri Rangbah da ong u wa i kajia khappood toh kawa da slem nadooh wa yoh yaka jylla yong i.
Neiliang u MLA ka NCP, u Saleng A Sangma da kyntu u leh yaka sorkar wow pait leh cha ki khappood wa em cha Garo Hills neibhah wa ha u snem wa da dep da em jia kajia ha ki thaw khappood waka Assam.
Katwa neiliang u MLA ka Congress u Zenith M Sangma da pyntip u wa ha u snem 1992 da em i jia kajia khappood ha Garo Hills, heiwa da em leh i yakhih pyrchah da ki kynhun wa ki seiñbhalang, da kyntu u yaka sorkar wa toh u booh yutip leh ya kam ini i jia.
Discussion about this post