U Chief Executive Member ka Khasi Hills Autonomous District Council (KHADC), u Titosstarwell Chyne da ong u wa kiwa mylla kiwa na baar jylla kiwa wan kreh hapoh u pood u ang ka KHADC, da hap ki wow yoh bor na ka Council hanla da yoh ki ya ka Labour License na ka sorkar.
U CEM da ong u ya ini hawa pynche ya ka yatai ha ka dorbar hajrong i klam u Symbood Montri Rangbah wa du ka sorkar jylla kawa embor wow e ya ki Labour License, ym da ki District Council.
U Titos da ong u wa neiliang ka Executive Committee nadooh u snem wa da dep da tip ko wa ka sorkar jylla da dep ko wow mynjur ha yung dorbar chna aiñ yaka Meghalaya Identification Registration Safety and Security of Migrants Workers Act, hajrong ka yurim wa neiliang ka KHADC da wanrah ko yei pynkylla ha ka Khasi Hills Autonomous Regulation Trading by Non Tribal wa kiwa mylla kiwa na baar jylla wa hap ki wow yoh ya ka Labour Clearance Certificate kawa hap wow yoh naka KHADC.
Da pyntip u leh wa da dep wow yaklam wa u Symbood Montri Rangbah wa uwon uwon u wakreh wa wan na baar jylla lada mut u wow yoh ya ka Labour License wa hap ki wow yoh chwa ya i tipmit næ i yoh bor na ka Council.
