Kiwa wan pyrchah yei pynman Cherry Blossom Festival toh wa em i leh Politics nadien: Paul

U Montri wa pait ya ka chnat Tourism ka jylla, u Paul Lyngdoh da pynche u wa ka Cherry Blossom Festival ym toh ka tamasa kawa booh tarik da ka sorkar, tangwa da em kiwa yoh ya ka Tender wei da jied ki leh ya ka sngi wow pynman ya kani ka Tamasa wei ya ki Ticket da dep dai.

Da ong u leh wa kani ka tamasa toh yow kyntu kynrong ya ki kaam uiñke suwari, neibhah 90% toh ki bru kiwa na baar ka jylla wei kamjooh na ki ri kiwa na chiliang duriaw katwa 10% won na Meghalaya wei kini waroh ymtoh ki Christan.

Chooh chooh da ong u wow ong wa du ka sngi Sunday kawa khooid wa kyntang ym toh iwa chongnia ha iwon iwon leh, neibhah em ki Balang Seventh Day kiwa ye u ong wa ileh pynman ha ka sngi Saturday kawa man kyntang ya ki, wei kamjooh ki Muslim kiwa ye u ong ileh wa pynman ha ka sngi Friday wei kini kiwa pyrchah ye ki wow chna da ka sngi wa thymme.

U Paul da ong chooh chooh u wa ka sorkar ym em pynbor ki ya kiwon kiwon wow wan cha kani ka tamasa, neibhah i thmu toh yow khriñ ya kiwa wan uiñke suwari kiwa na baar neibhah toh kini kiwa wan theh poisa, wei ya kini ym em kylli iyi man niam ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa chongnia hi mo wow khang ya ka tamasa, neibhah lada pynemkaam ya ka jooh ka yurim daw hap khang noh ya ki Cinema Hall, ya ki Restaurant wei wow khang noh ya kiwon kiwon ki kaam sñiawbha wa ki paidbah lai ki ha ka sngi Sunday wei su phah ya ki bru wow psiah ki cha ki yung mane.

U Montri da ong u leh wa kani ka kaam ymtoh ka sien wa nyngkong wa pynman tamamsa næ ka put ka tem ha ka sngi Sunday wei kini kiwa katni toh kiwa da sdang ka sorkar yow yoh myntoi kiwa uiñke suwari kiwa na baar.

Ha iwi won i liang u Paul uwa man kam uwa e ktien ka sorkar MDA-II,  da ong u wa ka sorkar daw pait ko wym e laad u mih i yakhih deiwa pynrap wa ki bru em ki jar jiar i rukom sñiaw wei kiwon kiwon ye ki wow pyrchah ya iwon iwon, heiwa da pynbaad u leh wa da suba wa em wa leh Politics ya kani ka kaam wei em ki bor wa pyrchang wow pynhiar ya ka kaam uiñke suwari.

Hajrong ki pynbaad wa da mih, u Montri da ong u wa ka sorkar toh kawa da jied hi da ki paidbah, tangwa hadien wa da dep jied sñiaw ki wa ki wa rap stad ya ki, ki wa rap sñiawthooh ware, ki kiwa chynna jngai wei lada sñiaw ki hadooh kattæ kattæ ileh ym yaleh Election yow man Montri da ki yow khang ya ki tamasa.