U Deputy Commissioner ka East Jaiñtia Hills District da pynmih u yei pynbna paidbah cha waroh ki tre kari wa hap ki wow bood ryntih ya ki kyndon ka Motor Vehicles Act, 1988 wa ka Central Motor Vehicles Rules (CMVR), 1989 neibynta i bha i miat i lai i wan ki kari hapoh ka District wei kiwa tyngkheiñ kyndon daw chah pynchitom ki katkam ki kyndon ka aiñ.
Lada em kiwa yah kari khlem da yoh License (Sec. 181 MVA) ye ki u chah kset 3 bnai næ da ka kuna wa Rs. 5000 wei ye leh u chah pynngat waroh ar wei ini man ko i jooh lada yah kari da kiwa dang khian rta (Sec. 180 MVA).
Lada yah kari wei chong kari khlem da deiñ Seatbelt (Sec. 194B MVA) ka kuna man ko Rs.1,000 kamjooh laad yah ar chaka khlem da sap Helmet (Sec. 129 r/w 194 D MVA) ka kuna man ko Rs.1,000.
Kiwa yah kari deiwa muaid kiad, muiad drugs (Sec. 185 MVA) ka kuna man ko deiwa chah kset hadooh 6 bnai lane ka kuna wa Rs.10,000 lane deiwa chah pynngat hapoh waroh ar. Lada chem biang wa leh yei jooh hapoh le snem, ye wow chah kset hadooh ar snem (duna dooh 6 bnai) lane ka kuna wa Rs.15,000 lane deiwa toh pynartylli.
Kiwa yah kari khlem Permit (Sec. 66 r/w 192A MVA) ye ki wow chah kset 6 bnai deilang ka kuna wa Rs.10,000 hei sien wa nyngkong wei lada chem biang ye wow chah kset hadooh 1 snem (iwa duna dooh 6 bnai) lane ka kuna wa Rs.10,000 wei ye leh u chah pynngat waroh ar.
Kiwa yah kari khlem Insurance (Sec. 146 r/w Sec. 196 MVA) ye ki wow chah kset hadooh 3 bnai lane ka kuna wa Rs. 2,000 lane waroh ar hei sien wa nyngkong wei lada chem biang ye wow chah kset 3 bnai lane ka kuna wa Rs. 4,000 lane deiwa ngat pynartylli.
Ki wym em ya ka Pollution Under Control Certificate (PUCC) ye wow chah kem hadooh 3 bnai lane ka kuna kawa Rs. 10,000 lane deiwa chah ngat ha waroh ar.
Kiwa yah kari deiwa yoomaa (Sec. 184 MVA) ye ki wow chah kem 6 bnai ha ka sien wa nyngkong wei lada chem biang wa leh ki kamni hapoh 3 snem ye ki wow chah kem hadooh 2 snem deilang ka kuna.
Discussion about this post