Kiwa yaleh MCS daw hap ki u tip bniah chaphang ka Meghalaya | Mynjur ka sorkar leh yei dan wa yatoh wa i kiad

Ka sorkar Meghalaya hei yachem ki Montri sorkar ynne da mynjur ki yei wow em noh kawi ka Paper kawa man du neibynta ka Meghalaya ya kiwa yaleh Meghalaya Civil Service (MCS) Exam, da ka thong wa ini daw pyntikna ko wa kiwa man kam ki MCS ha ki por wow wan daw sñiawthooh bha ki yei parom ka jylla, ka dustur riti, i rukom synchaar deilang ka khayi pateiñ wa ka kamai kajih.

Neiliang u Chief Minister, u Conrad K Sangma, hawa yaklam wa kiwa thoh khubor da ong u wa ka Expert Committee wa khlieh da u Professor David Syiemlieh kawa da thung yow pait yeini da wanrah ko yeiwa emkaam ya kani ka Paper.

Kamtæ deiwa mynjur yeini daw em ka Paper VI, kawa man kyrpang du neibynta ka Meghalaya.

Ha kani ka sngi da mynjur leh ya ka Meghalaya Official Languages Bill, 2026 kawa daw wanrah hapoh ka Assembly wa daw pynman ha uni u bnai. Kani da leh yow pynman aiñ noh ya ka Ordinance kawa da pynbna neibynta kani ka jooh.

Kiwi kiwa da mynjur toh ka Automatic Appeal Mechanism neibynta ki Online Applications hapoh ka Meghalaya Right to Public Services Act, 2020. Deiwa wanrah ya kani da booh dei por wei lada ym ye u pyndep daw pna mih da ka Appeal khlem da hap ki paidbah wow leh yeini.

Da mynjur leh yei pynyinsur da chi snem ya ka Meghalaya Industrial and Investment Promotion Policy, 2024, iwa mut wa da e por chooh chooh ya ki Company wow Register ki yow yoh myntoi ki hapoh kani ka Policy.

Kiwi de kiwa da pynmjur toh i pynkylla (Amendments) yong ka Meghalaya Commerce and Industry Service Amendment Rules, 2026, yow pynbait ya ka Upper Age Limit neibynta ki Scheduled Tribe hapoh ka jylla cha ka 32 snem i rta.

Sa kawi kawa da chim rai toh wow pynman noh kawi heiyatoh wa ka dan VAT neibynta i kiad yow man ko deilang wa iwa kheiñ Excise Duty, wei kini kattu u em ki hapoh ka Excise Department. U Conrad da ong u wa ka VAT heiyatoh wa i kiad da pait da ka Taxation Department wei kiwa yatoh wa ka Excise da pait da ka Excise Department.

Related posts

Dawa ka seiñ na Garo Hills wow khang yei dai yei “Sting” hadien wa em u khynnah skur wa yap

August 13, 2026

Shree Cement: Da thung da ka takit yei chah tih u sarok wei da yaklam ka sorkar wa kiwa kyrchaan wa kiwa pyrchah, ong u Conrad

August 13, 2026

Deiwa leh kamni da yooluti wa daw suk wow pait ya ini waroh wei daw pynku ko ya ka yarong poisa ka jylla.

Da mynjur leh wow pynkylla ya ka GST ka Meghalaya yow yahaap ko wa kiwa da pynkylla hapoh ka ri wei ya kani ka Bill daw wanrah ha ka Session ka Meghalaya Legislative Assembly wa daw pynman ha uni u bnai.