Shree Cement: Da thung da ka takit yei chah tih u sarok wei da yaklam ka sorkar wa kiwa kyrchaan wa kiwa pyrchah, ong u Conrad

U Montri Rangbah ka jylla, u Conrad K Sangma hawa jubab yeiwa kylli kiwa thoh khubor ynne ka sngi heiyatoh wa ka Public Hearing ka Shree Cement, da ong u wa ka sorkar da yaklam ko wa waroh ki liang deilang ki seiñ.

Da ong u wa najrong kiwa pyrchah em leh boon kiwa chong chnong katai ka thaiñ kiwa kyrchaan wei kmen ki yei wan ka karkhana wei hap wow yaklam wa waroh ki liang wei hadien i yaklam daw pait kammon u lai chakhmat.

Related posts

Poi chei chah thang kari, i mynsoo ki pulit nei yakhih kiwa puræ ka Lovely Professional University du deiwa suba wa em kawa chah slaitbor

September 27, 2026

Chah tooh ki chijur Rs.1 klur hadien wa pynyoorong ya ka spah wei ksiar

September 27, 2026

Heiyatoh wa kiwa emkti wow tih ya u sarok, da pyntip u wa u DC ka East Jaiñtia Hills da thung u ya ka takit (Inquiry) wei dang yang yow tip yeiwa chem ka takit.

Da ong u leh wa ka sorkar ym em khang ko ya ka dwar yong ka wow yaklam neibynta iwon iwon wei i yaklam toh iwa biang dooh yow lai chakhmat wei lada em ki bynta wa sñiawthooh bakla wei kiwa hap pynche, ka sorkar kmen ko wow leh yeitæ.