U President ka USA, u Donald Trump hawa booh yeiwa thoh u wa rap jrong bha ha ki Social Media heiyatoh wa yoh ki baar ri wow man kam ki tre heiwa yeini da chong bichaar da ka Supreme Court ka ri u, da ong wa da khyrngiat u wow sñiaw yei yasaaid uwi na ki muktiar uwa man kam u Chinese American deiwa pynemkaam da ki buit yow pynchlai ya ka America da ki bru wa psiah pyrchah aiñ yow man ki kam ki tre ri.
Kam wow kdaw heini wa ha USA em katæ ka Birthright Citizenship iwa mut wa kiwa kha hapoh ka ri da yoh ki yei hok wow man kam ki tre ri, wei hajrong ini u Trump da ong u wa kani ka aiñ toh kawa da rim bha kawa da pynmih heipor wym pu em ki lieñsuiñ, ym pu em ka Television wei ym pu em leh ka Internet wot chwa wow em ka Radio. Wei ki aiñ ym em da thoh ha u moo i wym hoi de u pynkylla.
Kamtæ da ong u wa i khonboo wa da ka kha ha US da man i kam i tre ri wei yeini da chim kabu da ki kynthai kiwa da punkhon la 9 bnai wei wan ki cha USA deiwa yahlang wa waroh ka yung ka sem ki kam na ri China wa India wa kiwi de ki ri kiwa man kam ki thlu dujok (Hellhole).
Wei da yoo leh yei chim kabu ki neibhah tang u klam English leh ym tip ki wei maya ki ya ka ri wan wan ki ymtoh kam nachwa hawa wan ki bru na Europe kam kiwa na Ireland, Italy wa Poland kiwa waroh da man kam ki American wot kiwa na Lithuania, Romania wa Russia kiwa da kymphruplang wa kiwa na America ha uwi u kchu tangwa katni won man ko du neidaw ka poisa wa poi ki.
Heiyatoh wa ini, neiliang ka Ministry of External Affairs ka India, lyngba u Randhir Jaiswal uwa man kam uwa e ktien da ong u wa da yoo ki yeini kamjooh iwa da ong da ka US Embassy hewi ini man ko iwa ym miat wei da pynmih yeini leh khlem da tip bha yei yatohlok ka US wa India iwa man deiwa burom mar kylliang.
Neiliang ka US Embassy hadien wa poor ini wa da toh u Donald Trump da ong ko wa ka u President ki neipor cheipor da ong u wa yatoh wei yajan lok bha wa ka India.
Discussion about this post