theme-sticky-logo-alt
theme-logo-alt

Kmen ka sorkar wa thung ka HC da u Justice Katakey yow pait yei tih mooyong pyrchah aiñ

U Symbood Montri Rangbah ka jylla, u Prestone Tynsong da pynsñiaw u wa ka sorkar ka pdiang sñiawbha ko yei thung yong ka High Court ka Meghalaya da uwa bichaar wa da chong ngiah namo u Retired Judge ka Gauhati High Court, u Justice BP Katakey wow pait lada ka sorkar jylla bood ko namo ym em yeiwa phah ka Supreme Court waka National Green Tribunal (NGT) heiyatoh wow dai ya u mooyong wa dadep tih wei wow kem ya kiwa tih mooyong pyrchah ya ka aiñ.

Hawa kylli ynne ka sngi, da ong u wa ka sorkar kmen ko wa da thung da u Judge warim wow pait ya ini i kaam neibhah ki paidbah leh waroh chi kattu da pynbaad bait ki ya ka sorkar, wei da ini i phah ka High Court, ki paidbah leh daw tip ki wa ka sorkar da leh ko ya iwa toh u leh.

Kam wow pynkynmoo wa ka High Court ka Meghalaya da thung ko da u Justice BP Katakey yow pynsakhiat hadooh katwon ka sorkar da bood ko ya ki hukum ka Supreme Court waka NGT wei u Katakey leh toh uwa jooh yahkhmat ya ka Committee wa da thung da ka NGT nachwa.

Neiliang ka High Court leh da phah ko wow dai smat noh ya u mooyong wa dadep tih deiwa ong wa neidaw wa pynslem u leh yeini da pynchlur yei tih mooyong pyrchah ya ka aiñ heiwa da kam ya u mooyong wa dang tih thymme kam uwa da tih nadooh chwa wow pynmih hukum ka NGT wow khang yei tih mooyong.

Puræ leh: Thung ka High Court da u Justice Katakey yow pynsakhiat wa da sangeh i tih mooyong pyrchah aiñ

Share this:
Previous

Da khut ya kiwa kwah yoh sikai yow man kam ki Security Guard

Next

Pynsangeh ka sorkar ya ki kreh wa pynmih bordiñ hadooh 600MW wa kynthup ya ka Kynshi Hydro EP