Kop diñ ka Bus mar ya chah tyrrah ha ka thuk-thuk ha Nongpoh | Yap uwi

Ynnin i miet heipor kamwa 10:20 da em i tyrrah kari ha Nongpoh mar pyrchah ka Nongpoh Civil Hospital heiwa da yap noh uwi.

Ini i ya tyrrah toh hapyrdi kawi ka thuk-thuk KTM Duke wa em Number ML-05Y-3698 wa yah da u bru wym tipmit uwa da tyrrah ko ya ka Night Super Bus wa em Number AS-01GV-3288.

Kani ka thuk-thuk da lai ko na ka luti wym toh (Wrong Side) heiwa da tyrrah ko ya ka Bus wa wan na Guwahati cha Shillong mar dei khmat heiwa kani ka Bus da sdang ko wow kop diñ mar ya jia ini heiwa da em leh iwa pdung.

Uwa yah ya ka thuk-thuk u wym pu tipmit da yap noh u pyn ha ini i thaw wei da wan poi noh ki kari tymplæh diñ heipor wa biang wei ym em kiwi kiwa mynsoo neini wa jia.

Uwa yah ya kani ka Bus leh ym pu em chem oo.

Related posts

Da iwi i sur chim rai ka KHADC wow pyrchah yei pynbna ka sorkar pyrdi wow dam pynman Public Hearing lada emkaam tih Uranium

October 22, 2025

Khyrwait ka Liang Pyrchah ya ka EC yeiwa thaad ko ya ki sahep ka KHADC | Em wa chim kabu yoh jubab

October 22, 2025

Hawa yoh u yaklam wa ki kattu katni kiwa em hapoh ka Bus, da ong ki wa mar ya sñiaw ki yei pdung wei da yoo ki yei diñ, da mih ki cha lait wei em leh kiwa da mih deiwa yut lyngba ki khangyit ka Bus yow lait im.

Ya i metyap uwa yah thuk-thuk da kit noh cha Nongpoh Civil Hospital wow leh yeiwa emkaam.