U DC ka West Garo Hills hadien wa mih syndet i yakhih ki paidbah ha Tura ynne i miet hakhmat ka yung krehkaam u Montri Rangbah namo ka CM’s Secretariat heipor wa dang yaklam wa ki ar seiñ kitæ ka ACHIK waka GHSMC kiwa da dawa pynkrehkaam ya ka Roster System wei wow pynman Winter Capital ya ka Tura heiwa da ya mynjur ki wow yachem biang ha Shillong yow yaklam bniah ya ini i kaam, da em won ki paidbah kiwa da yang hakhmat kani ka thaw kiwa da kawang moo wa kiwi de ki tiar.
Hadien wa da lai mih kiwa yahkhmat wow yaklam wa kini ki bru da chem toh ki wym jooh yoo ki wei em leh kiwa da muaid kiwa da wan wow pynkulmar donhi, kamtæ u DC da pynmih noh u da ka hukum wow pynkrehkaam da ka Section 144 CrPC yow lait u joor chooh chooh i kulmar.
Kamtæ da khang wow yalang palat 5 ngut ki bru ha chi thaw kamjooh ha ki yung krehkaam sorkar deiwa pynkrehkaam da ka Curfew nadooh 9:00 waje i miet ynne ka sngi hadooh 5:00 waje i step.
Da khang leh wow wai ki dukan kiad ha ka 25 wa 26 tarik uni u bnai wei ki Pterol Pump u wai ki ha ka 25 tarik nadooh 9:00 waje i step hadooh 2:00 waje i sngi tangwa u khang ki ha ka 26 wa 27 tarik uni u bnai wei ym toh u dai Petrol ki ha iwon iwon i rukom.
U chah u dai 10 Litre donhi i phñiang kari neibynta ki kari Magistrate wa ki bor ka aiñ.
Ki thaw chna kari toh u thap ki waroh ki chaka kari chapoh dukan.
Da khang leh wow rah ya kiwon kiwon ki tiar pynymynsoo da kiwon kiwon ki bru lane ki seiñ lait noh ki bor pulit wa ki chipai.
Da khang leh wow pynthut yei lai i wan ki kari sorkar.
Kani ka hukum u krehkaam ko ha waroh kawi ka chnong Tura hadooh wa da pynmih won da kami.
Discussion about this post