15 49.0138 8.38624 1 0 4000 1 https://wyrta.com 300 0

Ksoh ka JSU ya ki chi jur wa leh khlem akor

0 Comments

Jowai : Hajrong wa mana ki bor District wym hoi u pynyieñ kari khlem akor noh ha u sarok PWD khamtam hajan ka Thomas Jones Synod College, ynne ka miet yong ka 28 tarik ka seiñ JSU da kem ki ya ki chi jur najan kani ka sarok kiwa leh khlem akor.

Ya kini ki chijur ki ki wym pynmih pyrtuid da em ki hapoh kawi ka kari Bolero kawa pynyieñ hajan kani ka thaw puræ.

Advertisement ad1

Hei yaklam wa u President ka JSU, Shillong Circle u ma E. Dkhar da kam u wa ka seiñ u chimkhia ko yeini.

Heijooh i por da kyntu wa lada em wa chem ya kam kini namo kiwa leh pynsih ha luti syngkieñ u pyntip ki ya ka seiñ.

U chynrang katkam i ong u toh uwa na Mihmyntdu wei uwa da em khon la le ngut wei dang yachong hi u wa ka kurim u hadooh katni leh. Da ong u leh wa dang wan ki na Syntu Ksiar wei oo da dih kiad katwa ka kynthai won dih Breezer ko.

Da ong chooh chooh u leh wa da yalai khynroo ki kattu la chi tayaw wei da tipmit u ka kani ka kynthai (kawa da kam wa da em ko 18 snem) lyngba u WhatsApps heiwa i number yong kani ka kynthai da yoh u na ki lok yong oo. Uni u chynrang toh uwa da taam 30 snem i rta.

Heipor wa chem ka JSU ya kini ki arngut heipor kamwa 9 waje i miet, dang booh kari ki hajan Thomas Jones wei da kaam ka seiñ wa kini ki arngut dang leh ki ya i kaam khlem akor wei da rah leh ya ki cha Jowai Police Station.

Advertisement ad1

0 Comments

Leave a Reply