Ksoh wei dat ki MP ya u bru wa kawang tadong tdem hapoh ka Lok Sabha

Ynne ka sngi heipor kamwa 1:00 waje haroh, da mih i kulmar hapoh ka Lok Sabha hadien wa uwi u bru paidbah da kynthiar u najrong chapoh ka thaw wa chong ki MP wei da phet u chakhmat wei da kawang u ya ka tadong wa mih tdem rong stem.

Uni u bru da wan lang u wa uwi uwa da neh hei thaw chong ki paidbah tangwa hadien oo leh da kynthiar u chapoh wei uni leh da pynemkaam u ya ka tadong wa mih tdem rong stem hi.

Ya kini ki ar ngut da yoh wow kem ki.

Ynne ka sngi da man ko leh 22 snem thij nadooh iwa jia chah hiar thma ka Parliament ha ki bru wa rah suloi heiwa da em 9 ngut ki bru wa yap iwa da jia ha u 2001 wa leh da ar tylli ki seiñ Terrorist ka Pakistan wa tip kam ka Lashkar-e-Taiba waka Jaish-e-Mohammed heiwa 5 ngut na kini ki Terrorist da chah pynyap ki.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ynne ka sngi chwa u jia ini, da kynmoo warom ya kitu kiwa da dooh yei mynsien yong ki da u Prime Minister kamjooh ka President ka ri.

Ini wa jia ynne ym du hapoh ka Parliament tangwa da em leh ar ngut kiwa da kawang ya kini ki tadong tdem ha lait wei ya kini leh da yoh wow kem wei kawi toh ka kynthai. Da suba kini toh kiwa ya krehlang wa kitu kiwa psiah chapoh ka Parliament.

Ha ki Video wa da sdang u poor da yoo wa ki MP da yoh ki u kem wei da thap da ksoh wei dat ki ya uwi na kini ki bru hapoh Parliament.