U SP ka East Jaiñtia Hills District, u Vikash Kumar da pyntip u wa heiyatoh wa iwa jia ha Mynsngat, Thangskoo ha ka thaw tih mooyong, i thooh ya kiwa chah ktah dang pteiñ i heiwa da chem sa soo ngut kiwa yap ynne ka sngi.
Na kiwa mynsoo won uwi uwa chah sumaar ha NEIGRIHMS, Shillong da yap u. Chooh chooh da em ar ngut won kiwa da mynsoo joor nei pdung Dynamite wei kiwa da chah thang hei diñ hapoh ka krem mooyong kiwa da kit da kiwa ha-yung ha-sem ki cha Civil Hospital, Khliehriat wa ha Civil Hospital, Jowai heiwa kini ki ar ngut leh da khlaad noh ki.
Da ini waroh kiwa yap dapoi ki 25 ngut heiwa da em 17 ngut kiwa da ye wow tipmit wei da e kti cha kiwa emyatoh ki hadien wa dep u leh yeiwa emkaam.
Heiyatoh won wa ka Suo-Moto FIR wa da booh ha Khliehriat Police Station, da kem ya ki ar ngut, kitæ u Forme Chyrmang (36 snem) uwa na Jalaphet Pyrdung, East Jaiñtia Hills wa u Samehi War (42 snem) uwa na Sutnga Pohwailong, East Jaiñtia Hills kiwa da chah pynngat hapoh ka Section 105/118(2)/3(5) BNS deilang ki Section 21/21(1) ka Mines and Minerals (Development and Regulation) Act wa Section 3 ka Explosive Substances Act.
Ya kini waroh ar da lai yah hakhmat ka yung bichaar kawa da e bor wow kset ki 3 sngi ha kti ki pulit.
U SP da pyntip u leh wa dang yaleh wow thooh ya kiwi de kiwa da emkti ha ini i kaam.
Discussion about this post