Hadien wa da yoh yukheiñ lut ya waroh kiwa da thap Vote, neiliang u CEO ka Meghalaya, u FR Kharkongor da pyntip u wa waroh kiwa da mih wow thap Vote ha Meghalaya dapoi ki 85.17% ha kani ka Election MLA 2023.
Tangwa ini man i leh dei wym pu kheiñ ya ki Vote wa thap lyngba ka Postal Ballot.
Da ong u leh wa lada ym toh wa pyndam chwa ya ka thap Vote ha Sohiong Constituency da ye u poi chadooh palat 86%.
Ha uni u snem kiwa thap Vote da em ki 21,61,129 ngut iwa ku da 18% hawa nujor wa u snem 2018 iwa mut wa ku da 4,29,062 ngut.
Ha u 2018 kiwa thap Vote kiwa da mih waroh dapoi ki 86.65% iwa da man kat jooh hi ha u snem wa ha u 2013 wa em 86.88% kiwa thap Vote wa mih yoh pynemkaam yei hok yong ki.
