Ku ka ram bordiñ ka Meghalaya naka Rs. 244 klur cha Rs. 565 klur wa slem u su

Ka chnat Bordiñ yong ka jylla Meghalaya da pteiñ ko wow sah ram ha ka National Thermal Power Corporation (NTPC) hadien wym pu ye u su ya ka Rs. 244 klur kawa da ku biang katni cha ka Rs. 665 klur, wot hadien wa da dep u su marchiteiñ lyngba ka Atmanirbhar Bharat Abhiyan.

Hawa klam hadien ka yalang ki Montri sorkar ynne ka sngi, u Montri wa pait ya ka chnat Bordiñ, u Abu Taher Mondal da pyntip u wa hadien wa da yasoi ya ka soskular nadooh u snem 2007, da em iwa hap su ya ka NTPC hadooh Rs. 488 klur, wei deiwa yoh poisa lyngba ka Atmanirbhar da ye wow su mar chiteiñ kawa da poi Rs. 244 klur cha ka NTPC, tangwa kawa dang sah kawa Rs. 244 klur da ku biang katni cha ka Rs. 665 klur neidaw i chah daiñ kuna wa slem u su wa kiwi de ki jait kuna.

Da ong u wa neiliang ka chnat da pynsñiaw ko cha ka sorkar wa lada pteiñ u man kamni, ym slem de ka poisa kawa hap su cha ka NTPC daw poi ko cha ka hajar klur, wei ini daw wanrah ko yei eh ya ka MePDCL wei kamjooh ya ka sorkar jylla.

U Mondal da ong u leh wa hajrong ini waroh neiliang ka chnat da yaklam ko waka NTPC heiwa da mynjur wow maap kamwa Rs. 100 klur wei ka chnat Bordiñ daw hap ko wow su noh Rs. 565 klur ha ki 20 sien su (20 Instalment).

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Montri da ong leh wa hadien ini i yaklam wa ka NTPC, da wanrah hakhmat ka sorkar, wei ka Cabinet ynnne da mynjur ko wow su ya ka Rs. 565 klur wei neiliang ka chnat da kyrpaad biang leh ya ka NTPC yow pynyinsur chooh chooh yei por yow su khnang yow rap pynstiñ ya ka chnat.