U Union Minister for Environment, Forest and Climate Change, u Prakash Javadekar da pyllait u yaka bui (Report) wa chisien ar snem kawa tip kam ka “India State of Forest Report (ISFR)”, ha New Delhi haka 30-12-19. Ya ka Repor toh kawa pynmih daka Forest Survey of India (FSI) kawa da leh yow kheiñ ya ki khloo ki kjam lada boon næ duna iwa da sdang nadooh u snem 1987, wei ka ISFR 2019 toh ka sien wa 16 wa da leh yaka.
Hawa khana yei chem kani ka Report, u Union Minister da ong u wa ka ri India man ko du na kiwi ki ri wa sah ha pyrthai kiwa ye u pynboon yei heh ki thaw wa em ki khloo. U Javadekar da pyntip u wa katkam wa chem katni, waroh i thaw hapoh ka ri wa em khloo man i 80.73 Million Hectare iwa man 24.56% na waroh kawi i thaw ka ri.
U Environment Minister da pyntip u leh wa ini i ku wa 5,188 sq.km na iwa chem ha u 2017. “Na ini, i heh i thaw wa em khloo man i 3,976 sq. km wei ki thaw wa tymmoh da ki dieñ kiwa ym ye u kheiñ kam i khloo man ko 1,212 sq. km; ki le tylli ki jylla kiwa da ku bha i heh i thaw wa em khloo toh ka Karnataka (1,025 sq. km), Andhra Pradesh (990 sq km) wa Kerala (823 sq km).” da pyntip u Minister.
Deiwa kheiñ won da i heh ki jylla, ka Madhya Pradesh da em ko iwa boon dooh ki thaw wa em khloo, pynbood saka Arunachal Pradesh, Chhattisgarh, Odisha wa Maharashtra. Deiwa kheiñ i boon i khloo katkam i heh i thaw, ka Mizoram (85.41%), Arunachal Pradesh (79.63%), Meghalaya (76.33%), Manipur (75.46%) wa Nagaland (75.31%).
I boon won ki thaw wa em ki chken ki siej da antaad 16.00 million hectare, iwa ku da 0.32 million hectare naka ISFR 2017.
Discussion about this post