Jowai: Ka thap Vote cha ka JHADC waka KHADC hadooh wa yoh yukheiñ hadooh 9 waje i miet ynne ka sngi ha JHADC da ku cha ka 85.601% heiwa ki kynthai da wan mih ki 85.988% katwa ki chynrang da poi ki 85.187%.
Ha ka KHADC won da ku cha ka 76.630% heiwa ki chynrang kiwa wan thap Vote da poi ki 74.436% katwa ki kynthai won da poi ki 78.716%.
Ini i yukheiñ toh katkam wa dang poi na ki Polling Station wei ye ki u ku namo u hiar.
Ha kani ka kynti ha ka KHADC da em 131 ngut ki kyrtong heiwa ka JD (U) ha ka sien wa nyngkong da pynyeiñ kyrtong ko na ki ar tylli ki Constituency, ka KHNAM won na 8 tylli, ka NPP won da yakhun ko na 18 tylli ki Constituency, ka PDF na 15 tylli katwa ka UDP na 26 tylli, ka Congress 29 tylli ki Constituency wei da em leh 19 ngut ki kyrtong samen kiwa da yaleh.
Ha ka JHADC won wa em 101 ngut ki kyrtong heiwa ka HSPDP da yaleh ko na ka wi ka Constituency, ka Congress na 18 tylli, ka NPP 28 tylli, PDF 9 tylli katwa ka UDP won na 26 tylli ki Constituency wei da em leh 19 ngut ki kyrtong samen.
Also Read: 101 tylli ki pyrtuid wa khaddooh ki kyrtong MDC cha ka JHADC
Discussion about this post