U Superintendent of Police ka West Jaiñtia Hills District, u Chemphang Syrti da yoh u wow ku kyrdan kam u Indian Police Service (IPS) iwa da pynbna da ka Ministry of Home Affairs ka sorkar India ynne ka sngi.
U Shemphang Syrti toh uwa na ka chnong Moolamylliang wei da man u leh kam uwa nyngkong na East Jaiñtia Hills wow man kam u sahep IPS.
Da sdang u wow psiah pulit kreh ha u snem 2004 wei dadep ksoh u leh boon ki kyrdan hapoh ka Meghalaya Police kam u SP ka Ri-Bhoi, u Commandant ka 6th MLP Bn wa Commandant ka 4th MLP Bn.
Sa uwi uwa na Meghalaya uwa da chah pynku kyrdan toh u Darwin M. Sangma uwa man katni kam u Superintendent of Police (F&ES), Meghalaya, Shillong.
Kini ki ar ngut kattu daw em ki hapoh ka Probation chi snem heiwa daw yoh ki ya ka Induction Training katkam ka Indian Police Service (Porbation) Rules, 1954.
Ini i pynku kyrdan da wan i leh deiwa mynjur ka President ka ri wei da leh katkam ki kyndon ka Police Service (Recruit), Rules, 1954 wa ka Indian Police Service (Appointment by Promotion) Regulations, 1955.
U Chemphang Syrti wa u Darwin M. Sangma u man ki kam ki IPS ka Assam-Meghalaya Joint Cadre (Meghalaya Segment).
Discussion about this post