Ha iwi i Video wa da poor bha, u Montri yada ri ka Pakistan wa katni, u Khawaja Asif da kubur u wa ka ri yong oo jooh kyrchaan, e sikai wei yarap poisa ko ya ki seiñ kieñ suloi.
Da pynrap u leh deiwa ong wa ini toh i kaam wa jakhlia (Dirty Work) neibynta ki ri sepsngi iwa ka Pakistan da chem chitom bha ko katni neiwa leh yeini nachwa. Wei da ong u wa da leh ki yeini neibynta ka United States la kamwa 30 snem, ya kiwi ki ri wei kamjooh leh ya ka Britain.
Ya kini ki kyntien da ong u ha i yaklam wa kawa pathai khubor ka Sky News, ka Yalda Hakim hajrong ka phang i emkti ka Pakistan wa ki kaam damok ki seiñ kieñ suloi.
Tangwa u Asif da ong u wa iwa jia ha Phalgam ka Jammu and Kashmir toh iwa leh da ka India hi iwa tip kam i False Flag wei ka Pakistan ym emkti ko heini wei ka India hi kawa leh yeiwa jia yow wanrah yei kulmar hapyrdi ki ar ri.
Da e jubab u leh wa lada ka India pynyoo ko dei bor deiwa dat Bomb, ka Pakistan leh daw e jubab ko dei jooh hi.
Discussion about this post