Kular ka HYC wow em ryngkat wa kiwa sah ha Lapangap, Psiar-Khanduli wa Block-I

Ka Hynniewtrep Youth Council (HYC) ha ka kyrwoh wa da phah, da ong ko wa da yoo ko wa ki bor ka sorkar Meghalaya toh kiwa heh du i ktien khlem i kaam wow yada ya ki para ri khamtam i thombor ki Karbi ryngkat ka sorkar Assam. Ki Karbi waka sorkar Assam hakhmat da leh ki deiwi tangwa napoh won u knieh yabor ya ki thaw ki khon u Ynñiawtrep.

Ka seiñ da ong ko wa hapyrdi i dooh mynsien ki khon ka Lapangap, ha Psiar-Khanduli wa Block-I da yieñ waheh kiwa chong chnong wow yada ya i thaw wa u pood u ang.

“Man phi ki chipai wa khlan bor wow yada ya i khyndaw, man phi kam i kynroh wa skem wow yada ya ki thaw ka jaitbru wei ym em u tieñ phi wei man phi ki bru wow yada ya u pood ka Ynñiawtrep,” da ong ka seiñ.

“Ka nongmuna u Kiang Nangbah, u Tirot Sing wa ka Phan Nonglait mih ki ha phi ha kini ki sngi.”

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Ka HYC da e khublei ko ya i chlur yong phi wei sñiawngooh ko wa da e mynsien phi ya ka jaitbru Ynñiawtrep hapyrdi kani ka thma wow yada ya u pood u ang wei ymtoh u randien phi kam kiwa chlur wow yada ya ka ri.

Ka HYC da kular ko wow em ryngkat wa kiwa sah ha Lapangap, ha Psiar- Khanduli wa Block-I hi waroh kawi .

Da kyntu leh ya ki khon u Ynñiawtrep kiwa man kam kiwa kreh sorkar kam ki Magistrate wa ki pulit wow kynmoo phi wa man ki ki khon Ynñiawtrep nyngkong wa ki chakri sorkar hadien. Katu ka Uniform pulit wa ka kyrdan Magistrate ye wow looid næ dam ha iwon iwon i por wei ymtoh u mylliñ wa man phi ki khon Ynñiawtrep wow chakri ya ka jaitbru.