Ki dkhot ka KSU ynne da lai toor ki cha Sohra Police Station heiyatoh wa i chah kem ki ar ngut ki dkhot ka seiñ kiwa suba emkti pynyap ya ar ngut ha Ichamati haka 27 tarik u bnai wa dep yow paan pynche lada em sabut wa ki kyndon wa chah kem ki.
Hawa yoh ki kattu katni ki dkhot ka seiñ wow psiah chapoh, da mih i yania wa joor heiwa u Rueben Najiar uwa man kam u yahkhmat ka KSU seiñ bei, da khana u wa i yaklam wa ki pulit da mut ko wow sepai neidaw wa em uwi u pulit uwa da klam heh wei uwa da pynkhor.
Hawa klam wa kiwa thoh khubor hadien wa kut i yaklam wa ki pulit, u Rueben da ong u wa hadien wa ka KSU da maham ko wa lada u em uni u heh pulit u mih noh ki, hajrong ini da phah mih noh cha lait ya uni u pulit yow ye i yaklam u lai chakhmat.
U Rueben da khana u leh wa ki pulit da kular ki hakhmat ka KSU wa lada ki ar ngut ki dkhot ka KSU kiwa chah kem ym em emkti ki ha iwa jia ha Ichamati, u SDPO da kular u wow smat u paan maap ha ki laad pathai khubor. Tangwa ha ka kaam mukotduma ye wow chimpor tangwa la kattæ leh, ka seiñ daw booddien hajrong ini neibhah wa da pynjem u.
Discussion about this post