Shillong: U CEM ka KHADC u Teinwel Dkhar da kular u hapoh ka yung dorbar wa ka Executve Committee (EC) daw pyndam noh ya ka No Objection Certificate (NOC) wa da e da ka EC warim cha ka Geological Survey of India (GSI) wow sorjamin (survey) ya ki marpoh khyndaw ha ka thaaiñ South West Khasi Hills, lada toh ki wow tih ya u Uranium.
Ya ini da pyntikna hapoh ka yung dorbar ynne ka sngi hajrong ka phang wa wanrah da u MDC ka Nongpoh u R. Rani.
Hawa pynche hajrong ini, u Teinwel da ong u wa katkam wa kam u Director ka GSI, i sorjamin yong ki ymtoh neibynta u Uranium tangwa ya kiwi ki marpoh khyndaw kam u Bauxite.
U Teinwel da ong u wa kamwa mih ha ki laad pathai khubor, u Director da pynche u wa ka kaam ymtoh wa u Uranium tangwa daw phah khut ya ki (GSI) wow pynche ki wei lada ymbiang daw pyndam noh ya ka NOC.
Discussion about this post