Ka East Jaiñtia Hills Coal & Minerals Supplier Association (EJHCMSA) da yacem ko wa u CEM ka JHADC, u Thombor Shiwat yow dawa na ka Council wow pynkhreh ko yei rukom krehkaam ki aiñ yow wai ki laad ya kiwa khih mooyong kiwa em ki thaw wa khian yow tih mooyong ki deiwa yahaap yei rukom man ki paar mooyong wa em hapoh East Jaiñtia Hills.
Katkam wa man kattæ ki kyndon wa em toh kiwa khor bha ya kiwa em thaw wa khian wow khih mooyong ki, kamtæ da emkaam wow wanrah ki aiñ yow ye u leh da ka “Small Scientific Underground Coal Mining”.
Da ong wa deiwa leh kamni, daw pynsuk ko wow tih ya ki paar mooyong kiwa stang wa em yillu bha chapoh wei deiwa pyrkhat leh yei rukom man ki loom ki wah deilang u yada ya ki ki tre thaw hapoh ka Sixth Schedule ka riti synchaar ka ri.
Hadien ini i yachem, neiliang u CEM da kular u wow wanrah yeini i kaam ha ka dorbar ka Council kawa daw pynman ha u July.
Da ong u wa lada ka yung dorbar chim ko ya ka rai (Resolution), daw pynman ya ka sorkar jylla wow leh ko yeiwa emkaam yow wanrah ki aiñ yow man iwa ye wow leh da ka Small Scale Underground iwa daw pynmyntoi ya kiwa chong chnong.
Ini da e mynsien wei kyrmen ya kiwa boon wa khih mooyong kiwa da chah ktah kattu da slem heiwa da dooh khih dooh kreh ki.
Discussion about this post