Kiwa ri sniang ha Meghalaya da ong ki wa da chem chitom ki wow su ya ka ram wa chim ki na ki Bank hadien wa boon ki sniang da yap kjut ki neiwa yoh ya ka African Swine Fever.
Ka seiñ kiwa ri sniang, ka Federation of Piggery Farmers Meghalaya (FPFM), da yachem ki wa u Montri ka chnat Animal Husbandry & Veterinary, u Sanbor Shullai yow kyntu na oo wow pynlait ki nei su ya ka ram neibhah da chem chitom ki u su hadien wa da joor ware i dooh nong ki nei yoh kjut wei yap ki sniang.
Neiliang uwa yahkhmat ka FPFM, u Prosper Dorphrang deilang wa u MLA, u Banteidor Lyngdoh da ong ki wa najrong i yap ki sniang, da sñiawkhia leh yei joor wanpoi ki sniang na baar jylla iwa da ktah bha ya kiwa ri sniang hapoh ka jylla neibhah kini ki sniang wa wanrah na baar da dai ki hei dor wa duna bar ya ki sniang wa ri wa psan hapoh ka jylla.
Da kam ki leh wa kini ki sniang wa wanrah na baar toh kiwa em ki kjut kiwa poor hadooh wa yap kiwa boon ki sniang wa em ha Meghalaya.
Kamtæ da dawa leh wow khang noh yei wanrah sniang na baar chapoh ka jylla yow yada ya kiwa ri sniang ka jylla.
Discussion about this post