Jowai: Ki Chief Executive Member (CEM) kiwa man heijooh i por na ka Party National Peoples’ Party (NPP), wa kynthup na ka Khasi Hills Autonomous District Council (KHADC), Jaiñtia Hills Autonomous District Council (JHADC) wa ka Garo Hills Autonomous District Council (GHADC) da yachem ki ya u Montri Rangbah u Conrad K Sangma ynne ka sngi wow yaklam hajrong ki kaam yong ki council.
Hawa yaklam wa kiwa pathai khubor, ki le ngut ki CEM, kitæ u Hispreaching Son Shylla ka KHADC, u Madonbai Rymbai ka JHADC wa u Dipul R Marak GHADC da ong ki wa i yachem toh wow ekhublei ya u MLA wa thymme na South Tura uwa man leh u Montri Rangbah ka jylla na ka Party.
Kini ki CEM da ong ki wa i yachem wa u Conrad da pynsñiaw ki yei emkaam wow em ka yalang wa kyrpang wow bichaar bniah ya i rukom krehkaam ki ADC wei iwa yatoh leh wa ka sorkar jylla heiwa neiliang u Conrad da kular u wow yachem hadien wa kut ka Dorbar Chna aiñ ka wow kut ha kani ka 17 tarik uni u bnai.
Heiyatoh wa i sahkut ki Bill wa da mynjur da ki ADC neiliang u Shylla da ong u wa ya kini leh daw yaklam ha kani ka yalang wa ka sorkar.
Ki CEM da pyntip ki wa kani ka yalang daw phyllu heiyatoh wa ki kaam wa yatoh ka sorkar wa ki District Council.
Discussion about this post