Kular u Conrad wow pynlait ya ka poisa wow su tulop ka JHADC hapoh chi tayaw

Ki wakreh ka JHADC da man ki kiwa chem chitom bha neidaw wa ym em u yoh tulop ki kattu la kamwa 8 bnai tam iwa da pynbor ya ki wakreh ha kini ki tayaw wa dadep wow pynman ya i yakhih.

Ynne ka sngi dei mynsien wa khia, ki MDC na ki Constituency wa em hapoh ka Jowai Legislative Assembly Constituency wa kynthup ya u Lakhon Dkhar, u Ailad Bhoi, u Brightstar Chyrmang  wa u O. Lamin hapoh i yahkhmat u MLA ka Jowai u Wailadmiki Shylla, da lai yachem ki ya u montri rangbah ka jylla wow yaklam hajrong kani ka kaam.

Kini ki MDC da ekti ki ya ka dorkhat ha u Conrad heiwa da thoh ki wa ka JHADC ym em de u yoh ko ya ka bhah yong ka na ka sorkar jylla kamwa jooh nadooh u snem 2015-16 iwa da chem chitom ki wow su ya ka tulop.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da kdaw ki leh wa kamwa 35% hadooh 40% ki wakreh hapoh ka Council toh kiwa na 2 Jowai Constituency wei i wym yoh tulop da ktah bha i yei rukom im yong ki man ka sngi.

Heiyatoh wa ini i kyntu wow pynlait ya ka poisa cha ka Council, neiliang u Conrad da kular u wow pynlait ya ka bhah wa chi bnai yong ka Council hapoh chi tayaw khnang wow ye ko wow su ya ka tulop cha ki wakreh.