Ynne ka sngi u Montri Rangbah ka jylla, u Conrad Sangma chirup wa u MLA ka Mawryngkneg u Pyniaid Sing Syiem da lai sakhi ki ya ka Pomblang yong ka Shad Nongkrem wa da sdang ynne ka sngi kawa man ka lehniam wa kyrpang bha yong ka Hima Mylliem chwa wow hiar ah ya u kba.
Neiliang u Conrad da ekhublei u ya waroh ki paidbah ka jylla khamtam na Ri-loom Khasi deiwa ong wa ini pynyoo i hadooh katwon mahajon i rukom im ki jaitbru ka jylla.
Da kular u leh wow kyrchaan wei wow pynmiat ya kani ka thaw wa pyndep ya kani ka lehniam khnang wow ye chooh chooh ko wow riñ ya kiwa wan uiñke suwari neibhah waroh chi kattu kani ka thaw da neh bait ko kamjooh.
Heijooh i por da dap u dei mynsien wa kmen wow chah pynspong kam ha kani ka sngi kawa man ka sien wa nyngkong dooh wow wan sakhi u ya kani ka lehniam.
Ha kani ka sngi da sakhi leh ya kiwa boon ki paidbah kiwa wan chimbynta ha kani ka lehniam kiwa da wan da ki riam ki bait wa tynre.
