Hajrong ki kaam wa yatoh wa i chait i khiah ki bru hapoh jylla Meghalaya, neiliang u montri ka sorkar wa pait ya ka chnat i chait i khiah, u Alexander Laoo Hek da yachem u ya u montri wa pait ya ka chnat i chait i khiah ka sorkar pyrdi, u Dr. Harsh Vardhan ynne ka sngi.
Neiliang u Hek da kyntu u ya ka sorkar pyrdi wow booh noh ko ya kawi ka thaw sumaar wa kyrpang neibynta ki kjut wa yabi (Infectious Disease) hapoh ka jylla.
Neiliang u Dr. Harsh da kular u wow e ya ka jylla Meghalaya kawi ka ‘Infectious Diseases Hospital’ wei katkam wa pyntip u Hek na Delhi, da ekti u leh ya kawi ka dorkhat ha uni u montri ka sorkar pyrdi neibynta i emkaam wa jhan ka jylla ha ka chnat i chait i khiah, khamtam heiyatoh wow e yarap poisa chooh ka sorkar pyrdi ya ka Meghalaya neibhah katkam wa man katni ka sorkar em ko hei duna poisa.
Ka Infectious Diseases Hospital toh man ko kawi na ki thaw sumaar neibynta ki khut kiwa poor namo bi para bru kam ka kjut TB, HIV/AIDS, Dengue, Hepatitis wa kiwi kiwi.
