Kular u Nitin Gadkari wow pynmiat pynbha ya ki sarok ki luti syngkieñ ha jylla

Jowai: U Conrad Sangma uwa man leh kam u Montri rangbah ka jylla ynne ka sngi da yachem u ya u Nitin Gadkari uwa man u montri ka sorkar pyrdi wa pait ya ka Road Transport & Highways.

Ha kani ka yachem da yaklam yillu ya ki kaam wa yatoh wa ki project hapoh ka jylla Meghalaya khamtam kiwa yatoh wa ki sarok wa pynyabi ya ka Tura – Baghmara, Baghmara – Ranikor, AMPT Road, Nongstoin – Maweit, wa kiwi kiwi.

Neiliang u Gadkari da kular u wa waroh ki sarok hapoh ka jylla daw chna pynmiat ya ki deiwa booh ya ka khayi pateiñ haphrang dooh wei wow pynduna yei por walai wa wan wei wow pynyabi ya ki District Headquarter wa ka sorbah Shillong.

U Gadkari da paan u leh ya ka bui (report) heiwow pynmiat ya ki sarok wa da em chwa wow pynduna ya i jrong ki sarok heiwa da kular u leh wow pynkhlan ya ka tnat PWD yong ka sorkar jylla.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025