Kular u Piyush Goyal wow yarap ya ka jylla wow pynlait biang ya u mooyong hapoh ka jylla

New Delhi: U montri rangbah ka jylla, u Conrad K. Sangma ynne ka sngi da yachem u ya u Union Coal Minister ka ri, u Piyush Goyal ha New Delhi chirup wa u montri ka tnat PWD ka jylla, u Prestone Tynsong, u montri ka tnat Tourism u Metbah Lyngdoh wa u montri ka tnat Sports & Youth Affairs, u Banteidor Lyngdoh.

Ha kani ka yachem da emlang ki sahep ka tnat mooyong namo ka Ministry of Coal ka ri.

U Conrad chirup wa ki montri u da pynsñiaw ki yei kaam tih mooyong hapoh ka jylla dei thmu wow yada ya ka rymaw wa ka kaam wow pynku ya ka khayi pateiñ.

Da yaklam yillu leh chaphang i khang tih mooyong ka NGT hapoh ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“I tih mooyong toh iwa emkaam bha hapoh ka jylla wa ka thaiñ dei thmu leh wow yada ya ka rymaw, wei i kaam tnih mooyong man i iwa kongsan tam hapoh ka jylla”, da ong u Conrad.

Neiliang u Goyal da kular u wow e yarap ya ka jylla heiyatoh wa ini khamatam ka yumut wa da e da u Conrad wa ki montri yong oo.

U Conrad da pyntip u leh wa u Goyal da kular u wow leh yeiwa emkaam wow pyllait biang ya u mooyong.