U Defence Minister ka ri, u Rajnath Singh da kular u ya ka BIP Meghalaya wow chimkhia smat u wow kyrriah ya ki Sikh na Them Iew Mawlong wei wow pynbait yei kaam ha Shillong Cantonment.
Ya ka seiñ da yahkhmat da u President ka BJP Meghalaya, u Rikman Momin, chirup wa ki District President ka East Khasi Hills wa Ri-Bhoi, kiwa da yachem ya u Minister ha Shillong wow yaklam heiyatoh wa i kaam wa da sah da boon snem.
U Rikman da pyntip u ya ki laad wow pynsuk ya ini i kaam ha Them Iew Mawlong neibhah wa man i kaam wa khia iwa emkaam bha ya ka sorkar pyrdi u leh yeiwa emkaam.
Ka East Khasi Hills District President ka Priambada Blah da ong wa ka sorkar da yaleh ko wow pynbait yeini da slem wei lada ye wow yarap daw wanrah i yei chaniah na ki bru ka paidbah Khasi-Jaiñtia khamtam lada ye u pynbait heipor wa synchaar u Prime Minister Narendra Modi.
Ka BIP da kdaw ko leh yei slem i krehkaam ka Building Bye-Laws ha Shillong Cantonment.
Neiliang u State Vice President u Bipen Pradhan da kyntu u ya ka Ministry wow pynkrehkaam ya ka Building Bye-Laws wei wow pynbait ya ka Land Policy wa sahkut nadooh u 2017 heiwa kiwa sah ha kini ki thaw da hap ki wow su ka bai wai kawa 1000 chah neidaw wa krehkaam ka STR.
U Shillong City President u Bob Lyngdoh da ban u yei emkaam wow yoh ya i thaw chipai wow pynheh ya u sarok na Barik Point cha Jhalupara yow pynduna yei khynñia kari ha sor Shillong.
U Raijnath da ong u wa ka Ministry daw puræ bñiah ko ya kini ki kaam wei wow pynbait ya waroh iwa emkaam.
Discussion about this post