U Defence Minister, u Rajnath Singh ynne da chimbynta u wa kamwa 1000 ngut ki shipai deilang ki sahep la Indian Air Force wow lehwarom ya ka International Yoga Day ha Eastern Air Command ha Shillong.
Hadien wa leh Yoga, u Conrad da parom u wa u Rajnath hajrong ki kattu katni ki mat wa ktah ya ka jylla.
Hawa yaklam wa kiwa thoh khubor, u Conrad da ong u wa ki mat wa kongsan wa da pynsñiaw kynthup ki yeiwa pynheh ya ka ya ka Shillong Airport wa ka Four-Lane Road Project hadooh Barik Point.
Kiwi ki mat toh wow pynyabi ya u sarok hapyrdi ka Ranikor wa Ratacherra ha chi lynter u pood ka India-Bangladesh heiwa u Conrad da kyntu u wow pynman ya ka kam u ‘Strategic Road’ deiwa kdaw yei man kongsan neibynta i chngaaiñ ka ri wa ya i roi i paar ka thaaiñ.
U Conrad da ong u leh wa i pynyabi ya u sarok na Ranikor cha Dalu toh uwa da pynwandur wei deiwa pynabi ya u NH-217 wa u NH-127B neitæ u lai lyngba ka Phulbari-Dhubri Bridge Corridor chadooh Silchar.
Da ong u wa u Rajnath Singh da sñiawsuk u yeini i tyrwa wei daw e leh yei mynjur wei yeini da yaklam leh nachwa wa u Minister ka Ministry of Road Transport and Highways, u Nitin Gadkari uwa da ban joor wow yoh yei kyrchaan na ka Defence Ministry.
Chooh chooh da yooluti u wa lada yoh ya u Strategic Road daw ye u pynyabi ya ka thaaiñ khappood ka Meghalaya.
Discussion about this post