Ka JAC yong ka Dorbar Chnong Hingaria, Huroi, Lahalein wa Lejri ynne ka sngi da yachem ki ya u Symbood Montri Rangbah ka jylla, u Prestone Tynsong wow booddien ya i chna ya u sarok Sonapur-Borkhat hapoh ka North East Road sector Development Scheme (NERSDS).
Ha ka yalang, u Montri da pyntip u wa ka Ministry of DoNER da pynlait ko T. 126.88 klur wow chna ya u sarok Sonapur-Borkhat. Heijooh i por da pyntip u wa da khut wow pyndap ya ka Tender wei ya u mooyurim daw booh ha u Naitung (Apr) 2022 ha chnong Huroi, East Jaiñtia Hills.
Da antaad wa i kreh ha u sarok toh u pyndep hapoh 2 snem.
Neiliang ki paidbah kini ki chnong da ekhublei ki ya ka sorkar wa da ap ko yei eh i khoo yong ki wei deiwa chna ya kani ka sarok daw yarap ko wow wanrah ya ki kaam pynroi liang wanang.
Heijooh i por da ekhublei ki ya waroh kiwa da embynta ha ini i kaam hadooh wa poi ha kani ka kynti.
Kani ka JAC wa lai yachem ya u Symbood Montri Rangbah kynthup ki ya u Waheh Chnong wa Secretary ka Huroi, Lahalein, Lejri wa Hingaria chirup wa u Hopeful Bamon wa u Shrim Defender Pakem wa u Kynjaimon Amse, Advisor ka JAC.
