U Symbood Montri Rangbah ka jylla, u Sniawbhalang Dhar, ynnin ka sngi da lai pait lai sylli u ya ka Namdong CHC deiwa emlang u waheh chnong ka Namdong-B, u D.S. War, u Secretary chnong, u Serus Lipon wa kiwa yahkhmat chnong deilang ki bru rangbah kani ka thaaiñ.
Ha ini i lai pait da yachem leh ya ka Doctor wa pait ya kani ka CHC, ka Dr. Arda Laloo wa kiwi ki Doctor kiwa kreh ha kani ka CHC kiwa da e leh dei thoh cha u Symbood Montri Rangbah yei duna wa iwa emkaam ka CHC wei da yaklam u wa kiwa kreh ka CHC wa kiwa yahkhmat chnong yow pynbha pynbiang ya ini wa emkaam ka CHC.
Kamtæ neiliang u Sniawbhalang uwa man leh kam u MLA ka thaaiñ da ong u wow chimkhia yow pynbiang pynbha yeiwa emkaam kani ka CHC nadooh ki Doctor ki Staff Nurse wa kiwi kiwi kiwa kreh.
Da kular u leh hakhmat ki Doctor kiwa yahkhmat chnong wa ki bru rangbah ka thaaiñ wow chna noh da u sarok rong yow poi cha ka CHC wei wow e kawi ka Ambulance wei wow niaam rong ya kani ka CHC wa waroh ki thaw sah namo ki Quarter yong kani ka CHC.
Da phah wei kyntu u leh ya waroh kiwa kreh wow kreh hok yei kaam wa da pynkit ha ki wei wow em ka ya krehlang hapyrdi ka CHC wa ki bor chnong khnang wow wanrah yei myntoi ya ki paidbah ka thaaiñ hi waroh kawi.
Hadien ini da lai pait u leh yei thaw neibynta wow chna ya ka yung krehkaam ka Namdong C&RD Block wei da khana u leh wow pynkrehkaam pura ya kani ka Block khnang wa ki paidbah ym emkaam de ki wow lai cha Thadlaskein Block deiwa ye noh ki chnong wa em ha Namdong Block wow pyndep yei kaam yong ki ha ka Block yong ki hi.
Discussion about this post