Kular u Thombor Shiwat wow pyndam ya kiwa chah thung kreh sopsop ha JHADC

Jowai: Ynne ka sngi, ka seiñ Jaiñtia Students Union (JSU) hapoh i yahkhmat u President yong ka, u Lawyerson War wa u Secretary yong ka, u Jersom Shylla, da lai yachem ki ya u CEM ka JHADC, u Thombor Shiwat hajrong wow dawa pyndam noh ya waroh kiwa kreh hapoh ka Council ya kiwa da thung sop sop da ka Executive Committee warim ka Council wa yahkhmat da u Madonbai Rymbai.

Ha ini i yachem ka seiñ da ekti ko leh ya ka dorkhat, heiwa ka seiñ da ong ko wa ka EC warim wa yahkhmat da u Rymbai da thung ko hadooh 56 ngut kam ki Adhoc, khlem em ka Advertisement wei da thung sop sop yow yoh myntoi u samen (Rymbai) iwa man leh pyrchah ya ki paidbah ka ri-loom Jaiñtia.

Da ong ko wa katkam ka JHADC Service Rule 1981 Vol 3 and II da klam che ko hapoh ka Chapter IV ya i rukom thung kreh wa i pynku kyrdan. Heiwa i thung kreh ya kiwon kiwon toh u leh deiwa pynbna Advertisement, pynman Exam wa ki Personal Interview.

Chooh chooh da ong ko wa ym em e Advertisement ka Council hajrong kini ki kreh wa da thung ka EC warim wei ym em pynman ya ka Exam wei da pynman du ya ka Personal Interview.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kamtæ hajrong ini ka seiñ da dawa ko wow pyndam noh ya kini ki bru wa da chah thung kreh neibhah wa man i pyrchah ya ka aiñ kamjooh leh pyrchah ya i hok ki paidbah ka ri-loom Jaiñtia wei da kyntu ko leh ya ka Council wow khut Advertisement wei wow pynman noh da ka Exam.

Ha ini i yachem neiliang u Tombor da ong u ha ka seiñ wa ini toh i leh sop sop ka EC warim wa yahkhmat da u Madonbai Rymbai wei man i leh pyrchah ya ka aiñ wei ka Council hi daw leh ko yeiwa emkaam deiwa pyndam ya ki.

Chooh chooh da kular u wow khut noh da ka Advertisement mar ya dep ka Election MP hapoh jylla.