Kulmar i rukom e Ticket ka UDP ha Umroi Constituency

Shillong: I e Ticket kyrtong ka party UDP ha Umroi Constituency da pynkulmar ko ya kiwa boon neibhah ha i pyllait nyngkong ko ya i pyrtuid ki kyrtong wa 28 ngut, ka UDP da dep pynbna ko ya u Firstforce Deki Ramsiej kam u kyrtong na Umroi wow yaleh pyrchah ya u MLA wa katni, u Ngaitlang Dhar, tangwa ynne ka sngi won da pynbna ko da u Mangkara Pathaw nawon wow yakhun ha ka Election heithaw u Ramsiej na ka party.

Hawa pyrchang wow thooh yutip na ki heh ka UDP, da ong wa ka UDP Umroi Constituency da kyrpaad ko ya ka Party wow pyrkhat biang ya i rukom e Ticket ha Umroi neibhah boon kiwa kyrchaan ya ka Party ki kwah kwah ki ya u Mangkara wow man kam u kyrtong ka UDP.

Hawa yoh yaklam wa ki dkhot ka Election Committee ka UDP da ong, “Ini i kylla toh neidaw wa ka Party da yoh ko ya i thoh na u President wa u Secretary ka UDP Umroi wa ki kwah wa ka Party wow pyrkhat biang ko ya i rukom e Ticket.”

Katkam ka khubor na ka UDP da ong, “Toh i kwah ka Circle ym na ki heh ka Party yow won u e ticket neibha ki tip bha ki ya u kyrtong.”

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hei yatoh won wa u Firtforce Deki Ramsiej uwa da iehnoh ya i kaam kam u Inspector ha ka tnat ka rep ka riang yong ka sorkar lyngba ka Voluntary Retirement Scheme (VRS) wow yakhun Election, ka UDP daw pynbait ko wa oo hajrong ini i kaam.

U Ramsiej man u na pyrdi kiwa da lai cha khmat wow yakhun MLA Election wow wan na ka UDP wei da sakhi leh ha ki yalang da ki heh ka UDP wa kynthup u President ka UDP, u Dr Donkupar Roy, u Working President, u Bindo Lanong wa kiwi, tangwa ini ye ko u wanrah yei eh ya ka UDP ha Umroi.