Kulmar ka MDA wow yoh Lamphang wa hunlang

Shillong: Hadien wa thylli noh ka chuki u Lamphang ha ka yung dorbar chna aiñ ka jylla, nei khlaad noh u President ka United Democratic Party (UDP), u Dr. Donkupar Roy ha ka 28 tarik Naiynñiaw, ka Meghalaya Democratic Alliance (MDA) wa yahkhmat ya ka sorkar da kulmar ko neibhah waroh ki seiñ saiñpyrthai kwah ki wa ka MDA u sai ko ya u Lamphang wa pynhun lang ya waroh ki seiñ wa em hapoh ka sorkar.

Neiliang ka United Democratic Party da kam ko wa kani ka chuki u lai bait ko cha ka UDP, katwa kiwi ki dhab won sñiaw ki wa toh u rai bait da ka MDA, wei kani ka dhab kynthup ko ya ka UPF.

Hawa yaklam wa u General Secretary ka Hill State People’s Democratic Party (HSPDP) uwa man leh u MLA ka Mawkyrwat Constituency, u Renikton Lyngdoh Tongkhar da ong u wa man i iwa sakhiat wa em i kulmar yumut ha ka MDA wow yoh biang ya u bru wa chemphang kam u Dr. Donkupar.

Da ong u wa neiliang ka HSPDP kwah ko wow yoh da u bru uwa hunlang da waroh kiwa em ha ka sorkar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Hanlada ka HSPDP emlang ko ha ka Regional Democratic Alliance (RDA) chirup wa ka UDP, tangwa ya kani ka phang ympu em yaklam ha ka RDA. Nga yoo O wa lada ka UDP e laad ko boon ki MLA kiwa biang hanla man ki kiwa dang psiah wot cha ka UDP wei kiwa dang jop ha ka sien ba nyngkong,” da ong u Renik.

Uni u heh ka HSPDP da kyntait u leh yei kam ka UDP wa ka wa toh hok u yoh ya kani ka chuki tangwa emkaam u yaklam yeini ha ka RDA chwa ka yalang yong ka MDA ka wow chim ya ka rai wa khaddooh.

Da pynrap u deiwa ong wa lada yoh da u bru wa hunlang da ka MDA, kani ka chuki daw poi suk biang ko cha ka liang synchaar neibhah wa ya u Lamphang haap jied da waroh ki MLA, ym wow thung kamtu da kawon kawon ka dhab.

Hawa yaklam wa u heh ka Congress, u Charles Pyngrope uwa man u MLA ka Nongthymmai da ong u wa ka Congress da man ko kawa pynkhreh wow yakhun ya ka chuki Lamphang lada i man ym kylla i da iwi.

“Ka Congress kam ka liang pyrchah hanla ym em boon paaid ko, tangwa man ko kawa da pynkhreh wow yakhun ya ka chuki, tangwa lada ka liang synchaar booh ko u bru uwa biang, ye wow kyrchaan khlem emkaam wow yakhun pyrchah,” da ong u.