15 49.0138 8.38624 1 0 4000 1 https://wyrta.com 300 0

Kut ka yaseiñ KJP Synod wa khadsoo
Tooid da ki phaw hajar ki khon ka Balang Presbyterian

0 Comments
Advertisement ad1

Jowai: Ka yaseiñ KJP Synod Mihngi kawa khadsoo da kut noh ko ynne ka 20 tarik heiwa da ki phaw hajar ngut ki paidbah da wan tooid ki na kylleiñ ka Ri-loom Khasi wa Jaiñtia.

Da em leh ki heh sorkar nadooh u Montri Rangbah, u Dr. Mukul Sangma, u MP Vincent H Pala, uwa mih khmat yaka liang pyrchah u Dr. Donkupar Roy Lyngdoh, u MLA ka Jaiaw u Paul Lyngdoh, u MLA ka Sutnga u ma Hopeful Bamon nalor kiwi kiwi kiwa wan wow sakhi ya kani ka yaseiñ bah ka KJP Synod Mihngi.

Advertisement ad1

synod-smit2

Ynne ka sngi Bibar, kiwa klam kynthup ki ya u Pastor KS Shylla uwa da yalap ha ka yaseiñ wa 10:30 i step wa u Pastor Dr. RR Convile uwa da yalap ha ka yaseiñ  wa-ar.

Ki dhab rwai Choir kiwa kynthup yaka Jingiaseng Samla Balang Phudmari, Ka Jingiaseng Samla Balang Sutnga wa ka Jingiaseng Samla Lum-Mawbah da e ki yei rwai ha ka yaseiñ wa 10:30 i step.

Katwa ka Jingiaseng Samla ka Balang Smit, Ka Standing Choir KJP Synod Mihngi wa ka Standing Choir KJP Synod Sepngi da rwai ki ha ka yaseiñ kawa 1:30 nohchariñsngi.

Hawa yalap ha ka yaseiñ kawa 1:30 nohchariñsngi u Pastor Dr. RR Convile da pynchong nongrim u na ka chithi cha u Appostol Paul cha ki Nongphillippi 3:10, da ong u wa kam ki Kristan lada ym puræ ya ka Bible kammon i man Khristan i, ym mut i iyi iyi leh. Da ong u leh wa kam ki Khristan emkaam leh u leh i ya ki le tylli ki kaam, nyngkong toh u puræ ya ka Bible, kawa ar yow e i ngooh i dem katwa iwa le won u lai cha ki yaseiñ.

synod-smit1

U Senior Executive Secretary ka KJP Synod Mihngi, u Pastor NS Phawa, da pyntip u wa ka KJP Synod ha Khasi Jaiñtia daw lehkmen ya ka lyngkhooh snem wa 175 yong ka ha uni u snem heiwa daw chna leh yei motdur u Thomas Jones.

synod-smit3

synod-smit4

synod-smit5

Advertisement ad1

0 Comments

Leave a Reply