U heh ka Trinamool Congress, u Charles Pyngrope uwa man leh u MLA ka Nongthymmai da ong u wa kwah hi u wow ya krehlang biang wa u Vincent Pala sa chisien tangwa da ong u wa ym em pyrkhat u wow psiah biang cha ka Congress.
Da ong u leh wa dang lah wow em u Vincent hapoh bar cha baar.
Da pynche u leh wa ym pu em kiwon kiwon ki Party nadooh ka NPP, VPP, Congress næ BJP kiwa da kynjoh ktien cha oo.
Da ong u wa heipor wa mih u na ka Congress ym jooh em ong u toh ka jhaad kawa da ngam tangwa emkaam donhi ko ya u Captain wow yah ka cha ka luti wa toh.
Kam wow kdaw heini wa da em kamwa 1500 ngut ki dkhot ka TMC kiwa na Nongthymmai kiwa da lai psiah noh cha ka Congress heiwa u Charles da ong u wym ye wow khang ya ki.
U Charles samen leh ym ye u lai psiah cha ka Congress neibhah wym chah ki kyndon ka aiñ.
Discussion about this post