U President ka Youth Wing ka United Democratic Party (UDP) uwa man leh u Montri ha ka sorkar, u Kyrmen Shylla da ong u wa kam ki khynroo kwah bha ki wow yoh noh ya ka Inner Line Permit (ILP), deiwa pynrap wa kwah u wa i dawa ILP toh iwa angnood ki paidbah.
Da ong u wa kam ki khynroo ha ka Party daw yaklam ki ya kani na phang wa iyi wa emkaam ki u leh deiwa ya syllok wa ki rangbah ka Party hajrong ini i kaam.
Chooh chooh da ong u wa ya katni ympu kwah wow ong iwon iwon neibhah ka sorkar da chim ko ya i rai (Resolution) hapoh ka yung dorbar chna aiñ (Assembly), wei ka sorkar dang booddien ko ya ini i kaam.
U Kyrmen da ong u wa hanla ka jylla em ko ya ki aiñ wow yada ya ki khyndaw ki chyiap, tangwa emkaam chooh chooh sa ya ka ILP neibynta wow yada ya ka jylla.
