Ka Dorbar Chnong Lapangap ynne da pynman dorbar ko hadien wa dep ko leh wow phah da ka chithi cha ka Delimitation Committee ka JHADC yow dawa na ki bor wa pait yei phiah Constituency yow booh noh ya ka chnong chapoh ka Mynsngat-Khanduli Constituency ymtoh de hapoh ka Barato-Mukroh Constituency.
Neiliang u Waheh Chnong, u Deimonmi Lyngdoh da ong wa ha ka dorbar da yoh yei mynjur na kiwa boon ki paidbah kiwa da dawa na ka sorkar wa hawa phiah Constituency, ka chnong Lapangap toh u haap noh ko cha ka Mynsngat-Khanduli Constituency.
Da ong u leh wa kam ka chnong chem chitom ki hawa lai luti neibhah cha ka thaaiñ Barato ym emyatoh de waka Block wei u MLA leh ym em de emyatoh, kamtæ da thut bha ya ki kam kiwa chong chnong.
Kamtæ da kyntu ya ki bor sorkar wow ap yeini i sur ki paidbah wym em de kwah ki wow em hapoh ka Barato-Mukroh Costituency tangwa wow psiah noh cha ka Mynsngat Khanduli Constituency.
Discussion about this post