Kwah ka KHADC wow pynlait ka sorkar ya kiwa tih chyiap na ka Mining Lease 

Ka Executive Committee ka KHADC ynne ka sngi da rai ko wow tyrwa ya ka sorkar jylla wow pynlait ya kiwa tih mar poh-khyndaw kiwa khian wow chim ya ka Mining Lease neibynta wow tih chyiap wa ki moo.

U CEM ka KHADC, u Titoswell Chyne da ong u wa da rai wow kyrpaad ya ka sorkar jylla wow pynlait ya kiwa khayi khian wa khih ha i thaw wa chi Hectare namo 1000 Sq Ft wow lait ki u emkaam ya ka Mining Lease.

Ya ini da ong u Chyne hawa jubab yeiwa kylli u MDC ka Mylliem, u Ronnie V. Lyngdoh hajrong i khang ka sorkar jylla wow tih chyiap wa ki moo.

Da pyntip u leh wa da thoh u cha u Montri Rangbah ka jylla ha ka 19 Naisan hajrong i emkaam wow pynkylla ya ka Meghalaya Minor Minerals Concession Rules, 2016 neibhah wa ki kyndon ka MMCR, 2016 ktah ko ya kiwa khih khian.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U CEM da ong u leh wa emkaam wow yada ya ka rymaw wei ymye leh wow ktah ya i khih pliang-ja ki bru deiwa pynrap leh wa ka sorkar jylla ha ka 27 Naiynru da rai ko wow pynkylla noh ya ka Meghalaya Minor Mineral Concession Rules 2016 wow yow pait yei rukom tih moo wa u chyiap.

U Ronnie da ong u leh wa da ini i khang wow tih chyiap deiwa pynkhor ya ki kyndon daw ktah ko ya kiwa boon hadooh i pynkrehkaam ya ka MGNREGA neidaw wym yoh chyiap yow chna ya kiwa boon ki kaam.