Shillong: U Montri Rangbah ka jylla, u Conrad K Sangma da ong u wa ka sorkar thmu ko wow khut ya waroh ki seiñ saiñ pyrthai wa ki seiñ waphær waphær wow yaklam hajong ka National Register of Citizens (NRC), kawa da pynkrehkaam ha Assam.
U Montri Rangbah da ong u yeini hawa jubab ya ka phang wa da chim bynta boon ki dkhot ka liang pyrchah wa da wanrah u MLA ka Mawlai u Process T Sawkmie, uwa da ong wa ka sorkar jylla toh u pynkrehkaam ko ya ka NRC ha kani ka jylla kamwa leh ha Assam, kamwa da dawa ki seiñbhalang waphær waphær khnang wow lait nei chah tlep ha ki bru kiwa na baar jylla.
Da ong u wa nadooh wa pynkrehkaam ka Assam ya ka NRC, da phah ya waroh ki Deputy Commissioner (DC), ki Superintendent of Police (SP), wow husiar ko wow pait yei wan psiah tooh ki bru na baar chapoh ka jylla.
Discussion about this post