Kwah ka sorkar wow pynkhai im biang ya kiwi ki wah wa chah ktah ha u mooyong lada dap poisa

Ka sorkar da pynkhreh ko wow pynim ya ki wah deiwa pynemkaam da ka stat Phycoremediation Technology hapoh ka jylla hadien wa yoo yei krehkaam u pynim biang ya ka wah Lukha tangwa da chem chitom neidaw wa duna poisa.

Hadien ka wah Lukha, ka sorkar leh da sdang ko ini wadep wow pynim sa ya ka wah Lunar waka Kyrhuhkhla kiwa da chah ktah nei tih mooyong.

Neiliang u Montri ka chnat Forest & Environment, u James Sangma da ong u wa chong hei em poisa wei da kwah wow pynim leh ya kiwi ki wah kiwa da chah ktah haka um mooyong namo ka Acid Mine Drainage katwa heiyatoh waka Wahumkhrah da ong u wa kani ymtoh kawa chah ktah na u mooyong wei da emkaam da iwi i rukom nadooh wow booh da ki Effluent Treatment Plant wa ki Sewage Treatment Plant yow lait u poi i jakhlia cha ka wah wei hadien wa leh yeini daw ye wow pynemkaam da ka jooh ka stat Phycoremediation Technology.

Da ong u leh wa ka Shillong ym em ko yaka Municipal Sewer Network System, kamtæ waroh i jakhlia na ki yung ki sem khlem da pynkhooid da lai bait ki cha ki wah. Da khana u leh wa ki manyung kiwa da ki hajar tylli wa em ha rood wah da taan um ki yow leh yeiwa emkaam ki man-ka-sngi.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kamtæ da ong u wa ini waroh ktah ko yei chait i khiah kiwa chong chnong ka Shillong wei ktah ko leh yei khyndaw wa ki um wa em chapoh khyndaw.

Neiliang u Montri Rangbah ka jylla, u Conrad Sangma hawa e yei klam pynkut yaka Meghalaya Environment Week 2022 ynnin ka sngi, da ong u wa ha u 2018 hawa sdang u yaklam wow summar wei wow pynneh pynsah ya ka rymaw da chem wa emkaam yaka Water Policy neibhah khlem kani ym ye wow pynyatoh lang ya waroh ini. Dep neitæ da chem wa hapoh ka mang tyngka ka jylla wym dap poisa yow leh yeini waroh. Kamtæ da thooh yarap na kiwa na baar wow leh yeini heijooh i por leh deiwa pynemkaam ya ka T. 4700 klur ka poisa wa yoh yarap na baar yow pait ya ka rymaw hapoh ka jylla.

U Montri Rangbah da ban joor u yei emkaam u chimbynta lang kiwa chong chnong wow pait lang ya ka rymaw wei heiyatoh wa ini da dep sdang ya ki Natural Resource Management Committees ha palat 6500 tylli ki chnong. Kamtæ waroh ini daw poi ki cha waroh ki chnong wa em cha kdong dooh leh yow ye u pynneh pynsah ya ka rymaw.