15 49.0138 8.38624 1 0 4000 1 https://wyrta.com 300 0

Kwah ki dkhot ka LGBT wow pdiang ki Balang ya ki kamwa pdiang ya kiwi

1 Comment
Advertisement ad1

Shillong: Chi sngi hadien wa ka Supreme Court da pynmih hukum ko wa i yathiah yadem para chynrang namo para kynthaiym em de man ko ka kaam kawa pyrchah ya ka aiñ hapyrdi kiwa da mynjur wow leh ya ini i kaam wa khlem em wa pynbor ya ki hapoh ka ri India neibhah i maya ymtoh wym em wa ye u bichaar wow leh chiliang da ka aiñ leh, kamtæ ynne ka janmiet kiwa man kam ki Lesbian Gay Bisexual Transgender (LGBT) ha Shillong da mih ki wow lehkmen yeini i rai ka Supreme Court ha Don Bosco Square, Laitumkhrah, Shillong.

Nyngkong ya kani ka yaklang da mut wow pynman ha Khynde Laad wei da booh por wow pynman heipor 4:00 waje i janmiet tangwa neidaw wa u DC ka EKH da ong u wa neidaw wa hap pyrkhat ya ka chong suk chong saiñ ka chnong wei i paanbor leh da poi slem i kamtæ ymye de wow ebor wo pynman ya kani ka yalang ha Khynde Laad.

Hadien wa rah ya kani ka yalang ha Don Bosco Square, Laitumkhrah. Ka dkhot ka LGBT, ka Donna Marwein da pynsñiaw ko yeiwa yoobeiñ ka imlang sahlang ya ki.

Ka Donna Marwein da ong ko wa hanlada ka Supreme Court da pyndooh ko ya ka Section 377 ka IPC, tangwa i syir mynsien wa i chah pait chah lehbeiñ dang em bait i ha i rukom im yong ki. “I u yakhun i ya ka hok yong i wei kmen i leh wa ya ka rai ka Supreme Court,” da ong ko.

Ka Donna Marwein, da kdaw ko wa ki Balang toh kiwa yoobeiñ ya ki kamtæ da kyntu ya ki Balang wow pdiang ya ki kamwa pdiang ya kiwi ki para bru.

Ha iwi tawon i liang, u Vishal Blah uwa man kam uwi na kiwa lehkmen yei rai ka Supreme Court da ong u wa ki dang pyrchang ki wow pynngait ya ki Balang wow pdiang ya ki kamwa man kiwi.

“I da jooh pynman i ya ki yalang wow pynche pynsñiawthooh ya kiwa yahkhmat ki Balang,” da ong u Vishal Blah. Da ong u leh wa hadien wa ka Supreme Court da rai ko wymtoh de man pyrchah aiñ wow ya maya para chynrang namo kynthai da kyrmen leh wa ka imlang sahlang u pdiang ko ya ini kam ki para bru.

U Vishal Blah da ong u leh wa ki paidbah ha Shillong da pdiang ya ki kamwa wa man ki wei dang em hi kiwa pyrkhat da iwi. Da kyntu u ya ki manbei manpa wow pdiang ya ki khon kiwa da kha ki kynthai wa chynrang lada phær ki na iwa man kiwi tawon.

Advertisement ad1

1 Comment

  • September 8, 2018 at 1:48 am
    Avengers

    Nga yoo o du ki wa miat beit tu ki kynthai tang kamte leh ki..kat u duh bhah heh cha i wadang Samen wa Kwah u m khon m kti..

    Reply

Leave a Reply