U General Secretary ka All India Congress Committee (AICC) wa pait ya ka Meghalaya, u Manish Chatrath ynne ka sngi da kam u wa boon bha ki heh hapoh ka ri kiwa da yut na ka Congress kiwa da kwah katni wow liwan kylla cha ka Party.
Da ong u wa ymtoh du nei wa jia ha Karnataka tangwa man i ha waroh hi ka ri heiwa kiwa yahkhmat da ieh ki ya ka seiñ tangwa ym sñiawsuk ki ha kiwi ki Party wa lai psiah ki.
Chooh chooh da ong u wa kattu katni ngut toh kiwa da tipmit bha u wei da Phone ki oo kamjooh leh ya kiwi heiwa da yoo wa ki paidbah leh da sdang uiñ kylla biang ki cha ka Congress.
Heiyatoh wa u Montri Rangbah warim ka jylla u Dr. Mukul Sangma wa kiwi ki heh ka Party ha Meghalaya kiwa da yut na ka Congress, u Chatrath da ong u wa hawa kyruiñ cha jylla, u President ka MPCC toh uwa biang dooh wow jubab ya iwa da kylli.
Heijooh i por da ong u wa em bait kiwa klam wei ym kwah u wow khoh pyrtuid yeiyi yeiyi leh tangwa manda tyrwa ki ha u President ka PCC, oo wow phah cha ka AICC wei ka Party daw chim won ko yei rai.
Discussion about this post