Kwah leh wow yoo ya ka rel wa poi ko cha nongbah: Conrad

U Montri Rangbah ka jylla, u Conrad K Sangma da ong u wa ka sorkar dang thooh ko ya ki thaw wow wanrah ya ka luti rel wei ya ini da mih i hadien i pyrchah wow wanrah luti rel ha Ri-loom Khasi.

U Conrad da ong u wa ka Northeast Frontier Railway (NFR) ympu che ko lada u wanrah ya ka luti rel namo ymboi.

Da ong u wa ha Ri-loom Khasi da em i thut wei ka sorkar emkaam ko wow pynbait ya iwa thut wa chon ha ki paidbah iwa daw rap chimpor leh.

Chooh chooh da ong u wa da em ka poisa neibynta i jooh wei ka sorkar pyrdi daw kylli ko wa katwon slem u ksoh ya kani ka poisa wei lada emkaam wow pynuiñ ya ka neibhah ka sorkar ye ko wow pynemkaam ya kani ka poisa chawi.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa da pynsñiaw u yeini ha u Montri ka chnat Railways ka ri uwa da pdiang ya ini i thmu kamtæ emkaam u sylli bniah ya ini wei heiwon u pynemkaam ya kani ka poisa.

U Conrad da ong u leh wa emkaam wow wanrah ya ki kaam pynroi, wei kwah u leh wow yoo ya ka rel ha nongbah Shillong khnang wow pynku ya i khayi pateiñ.

Heiyatoh wa ka ILP da ong u wa emkaam u pait ya i wan psiah ki baar jylla wei da wanrah ya ka MRRSA wa kiwi kiwi ki rukom krehkaam.